إقتباس:
المشاركة الأصلية بواسطة كعبول
معلش بدأت اخرف
ايه هو الفرق بين الصفه والموصوف و المضاف اليه
يعني لما اقول : حفله جميله (صفه وموصوف )لكن في نفس الوقت مبتدأ وخبر
لما اقول بيت اخويا (مضاف ومضاف اليه ) بس برضه مبتدأ وخبر
|
حفلة جميلة ليست مبتدأ و خبر و لكن صفة و موصوف فقط
بيت أخى ليست مبتدا و خبر و لكن مضاف و مضاف إليه
الخبر من اسمه معناه انه بيخبرك بمعلومة تكتمل بيها الجملة
يعنى حفلة جميلة
دى اصلا مش جملة كاملة لانها لا تحمل خبرا ,, يعنى ماعرفناش القائل او الكاتب عايز يقول ايه عن الحفلة الجميلة؟؟ حفلة جميلة مالها؟؟؟ لسه المعلومة ناقصة
عشان تبقى مبتدأ و خبر هنقول مثلا
الحفلةُ جميلةٌ -- كده بقت جملة اسمية مبتدأ و خبر
أو
رأيتُ حفلةً جميلةً -- كده جملة مكتملة بس فعلية"فعل و فاعل و مفعول و صفة"
نفس الحكاية فى بيت أخى
مش جملة
بيت أخى؟؟؟ ماله؟؟ فين باقى الجملة؟ فين الخبر؟
بيت أخى كبير
بيت مبتدأ
أخى مضاف إليه
كبير خبر
الاعراب مرتبط جدا بالمعنى ,, ماهياش كيميا,,, لو ليك فى القراءة فى كتاب اسمه syntax a course book للعالم الكبير ربنا يمد عمره عشان ننتفع بعلمه Naom Chomsky
هيجيبلك من الاخر بس هو كتاب معقد شوية
مشاركة: المضاف اليه والصفه والموصوف
النمط الشجري
